Gwra hwithra an bys marthys ynys a'n Garrek Loes y'n Koes, ha diskudha henhwedhlow, myth ha moy es mil vlydhen a istori na yllir krysi. Gwra holya kammow pergherinyon ha kerdhes a-hys an kons dhe vordrik, po bydh heudhik yn vyaj berr der skath-tan dhe vorlanow - drehedhes an Garrek yw pupprys aneth. Yskynn a hen hyns a vili bys dhe'n ger a'n oesow kres a yll ri awen. Mir war-woeles orth an lowarthow meur aga thekter, hag omlowenha der an gwelyow bryntin a-dreus an plegmor bys dhe Bennsans.

Yma kemmys dhe vos diskudhys y'n Garrek Loes y'n Koes ma na wre'ta godhvos py le dhe dhalleth.

An Garrek Loes y'n Koes gans hy throvyans ankrysadow ha'y omglywans tarosvannus a istori, a brof dy'goel marthus dhe bub huni. Koffiva boesti ha dew werthji, stall plansow, ha synser barbekiew (gras dhe'n awel), pubtra a wrug diskwitha hwath esya, ha gul an moyha dhe'th tevedhyans.

Yth yw pub devedhyans yn-dann vaistri an awel ha studh an mor, ha martesen y hwra degoedha dh'agan asrannow degea a verr avisyans. Lies hyns yw serth ha gwrys a vili, ha nebes havysi a allsa aga havoes kales. Eskisyow krev yw dhe vos kommendys.

Soweth, ny yllir dri keun a-berth y'n lowarthow nag y'n ger. Mar kyllydh, gwra, ni a'th pys, gasa keun war an tir meur drefenn nag eus ragdha war an ynys.

Gans John Parker